قالوا تحب وقلت لا تسالوني
خوفوا من الله شوفوا الحال وش جاه
جسمي نحل واللون ماهوبلوني
متغيرٍٍ حالي من ادناه لااقصاه
شوفوا علامات السهر في عيوني
ولا اسالو قلب المعنى وش اشقاه
ياناس كان انكم بعدتجهلوني
عزي لكم والله من الحب عزاه
قدلي ثلاث سنين ماهي بدوني
وانا اتعذب واشرب المر واسقاه
غصبٍ علي سبة غزالٍ فتوني
اللي رماني رمية امقيط لرشاه
قفى وخلاني طريح الطعوني
خذا الدوى ويقول ياغصين تلقاه
واقول له تكفى عسى ماتهوني
ارجع علي ابي اتداوى من شفاه
ضحك وقلي وش تبي ياالغصوني
قمت اتلعثم قال امنتك الله
قلت انت صاحي وين رايح بدوني
قال ان بغيت ادواك دور و تلقاه
ومرت ثلاث سنين وانا مغبوني
وذي الرابعه وغصين يبحث عن دواه
تكفون ياهل المنتدى ساعدوني
يمكن احد منكم يصيده بمخباه
ويطيب قلبي من كثير الطعوني
تكفون ثم تكفون لامن احد جاه
يقول له غصين وصل الجنوني
وحاله تردى وينتظر منك تنعاه
الجسم مات ومابقى الاالعيوني
يبي يشوفك ياعنا القلب ودواه
يمكن لاياشفك يموت الغصوني
ويرتاح من حبٍ خذى كل دنياه
هذي وصاتي قبل لاتدفنوني
وان مت قبل القاه تسلملي خطاه
خلوه يطى القبر لاتزعلوني
هذي وصاتي في ذمة اللي بيلقاه
وسلامة قلوبكم الطاهره